SA DAMGO MAN LANG
Sa atong panaghimamat ikaw akong kalipay
Dughan ko nagbuto-buto sa tumang kakulba
tungod ikaw gusto kong ma-akoa.
Apan aduna nay nagapalipay
kanimo nga ania sa akong dughan
busa ako gaduko-duko gahandum
kanus-a ikaw maako.
Milabay ang mga katuigan
aduna na akoy nakit-an
ug akong nahibaw-an ikaw daw gibiyaan
Sa wala tuyoang higayona
ikaw akong nakit-an
Dughan ko nagbuto-buto
ug ako nakuryente sa ini nga pagbati
ikaw nga malaanghel sa kaanyag
Kalami nimong higugmaon, dumugon sa
gugma aron kita magkahiusa
Apan nakahigot na ako sa akong kapareha.
Ginahandum ko na lamang ang pagsalo nato
sa pagsulod sa langub nga kalipay
ug damahon ang pagsirit sa bino sa panaghiusa
ug tilawan ang matam-is mo nga mga ngabil
uban sa pagsuyop sa nektar sa imong kailadman
Apan kutob na lamang ako sa paghuna-huna niana
inubanan sa pagduyog sa kamot
aron makalampos sa gugmang dili para kanato.
Words: iwritemoments
0 comments